Pagtugon sa emergency at pagbangon

Ang Pilipinas ay nakararanas ng 18-20 bagyo taun-taon, na nagdudulot ng malaking pinsalang pang-ekonomiya. Sa nakalipas na dekada, nagresulta sa €7.45 bilyon na pinsala at pagkawala ng mahigit 12,000 na buhay ang sakunang ito. Bilang tugon sa patuloy na hamon ng kalamidad, nakatuon ang PIN Philippines sa pagpapalakas at paghahanda sa mga lugar at mamamayan na madalas tamaan ng bagyo lalo na sa bahaing lugar ng Mindanao. Sa pamamagitan ng pagtatatag ng early warning system, pinapalakas ng proyekto ang kakayahan ng mamamayan sa paghanda sa sakuna at mas maging matatag at mahusay ang mekanismo sa pag-iwas ng pinsala at epekto ng kalamidad.

Tumulong din kami sa pinsala ng Marawi War noong 2017 na nagresulta sa paglikas ng libo-libong tao mula sa kanilang tahanan, Nakipagtulungan kami sa mga lokal na organisasyon upang mabigyan ng mga uniporme ang mga kabataang naapektuhan ng kaguluhan, makapagbigay ng legal na payo at psychosocial na suporta. Bukod dito, nag-alok kami ng mga sub-grant sa mga lokal na grupo at naglunsad ng programa para sa kabataan upang itaas ang pagtanggap at respeto sa iba't ibang mga paniniwala at kultura. Nagkampanya rin kami upang labanan ang maling impormasyon tungkol sa COVID-19 sa pamamagitan ng information campaign habang binibigyang prayoridad ang mga hakbang pagkaligtasan.

Buong salita Mas kakaunting salilta

Kasalukuyang aktibidadORNagdaang aktibidad

Strengthening Resiliency Through Early Action and Impact Mitigation

Lokalidad: Surigao del Sur, Surigao del Norte, Misamis Occidental, Maguindanao del Sur, and Zamboanga del Sur
Kailan: Mula 2023 hanggang 2025
Mga Donor: Global System for Mobile Communications, UK Aid

Ang proyektong ito ay isang user-friendly na sistema na nagbibigay ng tamang at maagap na impormasyon ukol sa baha sa mga kinauukulan upang madaling maipamahagi ang babala sa maayos at mabilis na paraan. Ang early warning system (EWS) tool ay isang simpleng teknolohiya na naka nakahati sa apat na bahagi: (1) kaalaman sa kalamidad; (2) monitoring ng kalamidad; (3) pamamahagi ng babala; (4) paghahanda at pagtugon.

Kabiliang dito ang mga lugar na madalas tamaan ng baha kagaya ng mga lugar sa Caraga, Bangsamoro Autonomous Region of Muslim Mindanao, Misamis Occidental, at Zamboanga del Sur. Ang proyekto ay makikipagtulungan sa iba't ibang stakeholder, lalo na ang Provincial Disaster Risk Reduction Management Council, Department of Science and Technology (DOST), Target Barangays/Communities, at Smart Communications Inc.

Buong salita

Strengthening partnerships for localized humanitarian leadership and emergency response efforts in the Philippines (SPHERE-PH)

Lokalidad: Mindanao
Kailan: Mula 2023 hanggang 2023
Mga Donor: PIN Club of Friends, Maranao People Development Center Inc. (MARADECA), Balay Mindanaw Foundation Inc., Pambasang Koalisyon ng Kababaihan sa Kanayunan, Integrated Rural Development Foundation

Ang PIN Philippines ay maglalaan ng pansin sa pakikipag alyansa sa mga lokal na front liners upang maging mas epektibong tagapagtugon at maging tinig ng mga komunidad at pagpapalakas ng kanilang kakayahan para sa hinaharap na humanitarian interventions at pondo. Itutuon ng country program ang pokus sa strategic partnerships sa mga lokal na Civil Society Organizations (CSO) na nasa pinakadelikado at liblib na lugar sa Mindanao.

Makikipagtulungan ang proyekto sa apat na lokal na non-government organizations, kabilang ang Balay Mindanao Foundation Inc., Maranao People Development Center Inc., Integrated Rural Development Foundation of the Philippines, Pambansang Koalisyon ng Kababaihan sa Kanayunan.

Buong salita

Suporta sa mga kabataan matapos ang giyera sa Marawi

Lokalidad: Marawi City
Kailan: Mula 2017 hanggang 2018
Mga Donor: PIN Club of Friends

Ang krisis sa lungsod ng Marawi, Lanao del Sur sa Pilipinas ay sumiklab noong ika-23 ng Mayo, 2017, dahil sa isang tunggalian na nagresulta sa paglipat ng halos 400,000 katao.

Ang mga rebelde na nagdeklara ng kanilang suporta sa tinatawag na Islamic State ang kumontrol sa lungsod sa katapusan ng Mayo 2017. Lumala ang kaguluhan nang simulan ng pamahalaan ng Pilipinas ang isang operasyon upang hulihin ang isa sa mga lider ng mga Islamista. Ang pinakamalaking urbanong digmaan sa kasaysayan ng modernong Pilipinas ay tumagal ng 6 na buwan at nagdulot ng pinsalang tinatayang nagkakahalaga ng 20 bilyong Piso.

Simula Oktubre 2017, ang People in Need ay tumulong sa mga bata na nawalan ng tirahan na makabalik sa paaralan upang muling mabuhay ang kanilang mga dating buhay bago ang krisis. Sinusuportahan ng PIN ang mga mag-aaral sa pagbibigay sa kanila ng mga uniporme sa paaralan. Kasama ng mga lokal na partners, kami ay namigay ng psychological support at tumulong sa pagpapalit ng nawawalang personal na mga dokumento tulad ng birth certificates, ID cards, at mga ulat sa paaralan na kinakailangan para makapag-enrol ang kabataan.

Buong salita